Espainiako Ministroen Kontseiluak 2005erako %4,5eko igoera onartu zuen atzo Lanbide Arteko Gutxieneko Soldatari (SMI) aplikatzeko. Beraz, urtarriletik aurrera, errenta, errenta hau dutenek 513 euro jasoko dituzte hilean.

Erabakia iragarrita zegoen atzoko, baina astean zehar, zehatzago herenegun, eztabaida piztu zen Madrilen SMIren inguruan Espainiako Lan Ministro Jesús Calderaren eta CCOO eta UGT sindikatuen artean. Herenegun sinatu behar zuten alde guztiek, CEOE eta CEPYME patronalek barne, SMIren inguruko akordioa. Akordioak, igoeraz gain, inflazioaren araberako berrikuspen klausula jasotzen zuen SMIrako. Klausula horrekin, pentsiodunekin egiten den legez, SMIaren jasotzaileek “bermatuta” izango lukete erosteko ahalmena, gutxienez inflazioaren igoeraren arabera. Herenegun, baina, Calderak, klausula hori “gehiago aztertu behar” zuela esan eta ez zuen akordioa sinatu, eta CCOO eta UGTren haserrea piztu zuen. Hala ere, atzo Gobernuak berrikuspen klausula “datozen egunetan” sinatuko duela iragarri zuen.

1.1 Testuan azpimarratuta agertzen diren hitzen esanahia azal ezazu.
1.2. Zergatik ez zuen akordioa sinatu gobernuak?
1.3. Azaldu zer den soldata eta soldataren osaera.

• ERANTZUNA
• KOROren ataria